Plantun de Prouvènço

Pèr coumpara dos planto d'encò nostre

Geum reptans & Grimmia orbicularis

Geum reptans

Rosaceae

Nom en français : Benoîte rampante.

Descripcioun :
Aquelo benido trachis dins lis esboudèu e li clapas d'auto mountagno. Se destrìo de Geum montanum que fai de fiéu (estouloun) au sòu e peréu bonodi si fueio que la darriero partido èi pas tant grosso. Au soulèu, li flour se duerbon à plat (fotò).

Usanço :
Sara peréu escricho dins quàuqui tèms.

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Geum
Famiho : Rosaceae

Ordre : Rosales

Coulour de la flour : Jauno
Petalo : 6
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : Pancaro entresigna
Aparado : Noun

Liò : Auto mountagno - Terraire safrous
Estànci : Aupen
Couroulougi : Pancaro entresigna
Ref. sc. : Geum reptans L., 1753

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.